هاااي .. كيفكوو .. لونق تايم نو توك
ادري صار لي مدة ما دخلت المدونة ولا كتبت فيها ولا شي ,, بس شو نسوي بزي في الدراسة و الحين الامتحانات جربت بعد ... الله يعيين
المهم بغييت اقولكم سالفتي ويا السيبا ..
الله يسلمكم يوم السبت كان عندي امتحان سيبا الصبح الساعة0 9 المهم و انا لازم اوصل هناك قبل 9 عسب الاوراق و مادري شو
انزين
جان اقولكم انا نشيت من الرقاد الساعه 8 و نص و انا اركض و ااي متى بوصل .. الله يهداج يا ثرثارة لازم ترقدين
المهم نشيت بسرعه بسرعه و واتريا الوالد وانا متحرقصة و ابوي كان يسوي كل شي بهدووووووء .. وبسرعة ركبنا السيارة .. و نحن بالطريج صادفتنا اشاره ياربي شو غلسه كرهتها
بطيئة بشكل فظيييييييييييييع و انا على اعصابي ,, اصرخ للون الاخضر اطلع بسرعه خخخخ وراي امتحان
المهم وبعد ثلاث دقايق ونحن واقفين بس عند الاشاره ,, تحركنا ,, وبعد شي اشارة ثانيه
ياربي على هالاشارات الي ما تخلص
بس الاشارة الثانيه كانت سريعة ,, وانطلقنا بسرعه حتى المطبات ما سلمت منا خخخخخ اقولكم كنت اتخضض جني لبن
المهم و قبل ما نوصل شفنا الطريق مسكر يسوون صيانه ياربي و لازم نمشي بالقرقرة << معناة انه ارض غير مستويه خخخخخ
الحمدالله كنت مو متريقة ولا كانت حالتي عويصة خخخخخخ
وبعد ما تعديت هذا كله شفنا جيش من العنز يعترض طريقنا ياربي كيف كرهتهم ,, ولو كنت انا الي اسوق جان دعمتهم ههههههههه
وبعدين وصلت للتقنية بسلام نزلت و انا مب شايفة الطريج .. اركض .. جان اشوف السكيورتي واقفين و يدلونا الطريق
فهالوقت حسيت عمري اني فري امبورتنت بيرسون << يعني في اي بي ههههههه
المهم جان اعدل عمري ومشيت شوي شوي عسب اني اطلع نفسي اني مو مستعيله و انه على كل شي عادي كوول
ووصلت لغرفة صغيره محشية بالبنات
وقفت في اقرب طابور ورويتهم اوراقي وسرت للغرفة الي بمتحن فيها
وانا عبالي متاخر و انه البنات خلاص بيبدون ومادري شو ... اثاري انا كنت اول وحده خخخخ وانه البنات بعدهم يتوافدون
المهم حضرت نفسي للامتحان و بدينا ... الامتحان كان سهل نوعا ما
وحليت و خلصت ويوم خلصت .. سكرت صفحة الامتحان بس ما سكرت البرنامج و انا كنت لابسه صندل (الله يعز السماعين و الي يقرون )) >> متفيجه هههههه
انزين و انا امتحن اتبطل سير الصندل << اي قطعة من الجلد التي تثبت بالقدم ههههه
المهم فبغيت اعدلها قبل لا اطلع و انا ارفع ريلي عسب اعدلها .. سمعت صرخة "" نووووووووووووووو"" انا اتحسبت شي استوا
قلبي طاح و عيني لعبت تيلة شو السالفه اقولها "" وات وات هبن "" جان اتيي و اتسكر البرنامج وبعدين ابتتسمت وقالتلي "" ناو يو كان قو ""
جان الشرر يطلع من عيني الحين انتي وقفتي قلبي و هالصراخ كله بس عسب البرنامج .. ابتسمت بويهها و شردت
المهم يوم انا طالعة بسير سيارتنا شفت البنات المتكشخات و حاطات هالاصفر و الاخضر و الاحمر وحالتهم لله ... والله متفيجات هاييل ناشين بس يتعدلون .. ماشافوا حالتي ههههه
وبعدين ركبت سيارتنا ورجعت البيت بعد هالرحلة المليئة بالمغامرات .. حشى مب امتحان خخخخخخخ
وهاي السالفة الي كانت اتقرقع في قلبي << اي كنت ابي اقولها لكم باقرب فرصه هع
و تصبحون على خير ... مع السلامة
